Zgjimi herët është një fenomen shumë shqetësues për shumë nga ne. Janë shumë persona që mendimet dhe idetë u vijnë pikërisht në orët e vona të natës ndaj dhe nuk i ngelen mjaftueshëm kohë për të shijuar gjumin e mëngjesit pasi duhet të çohen për në punë. Por gjithmonë ka një zgjidhje, dhe këtu do të listojmë jo një, por 4 të tilla:
Të fshehim sa më shumë të mundemi sytë e kuq:
Në farmacinë afër shtëpisë me siguri që do t’ju sugjerojnë një solucion, i cili lehtëson dhe zhduk sytë e kuq kur ata janë të lodhur. Një solucion ky që e përdorin dhe modelet në pasarela apo shumë personazhe të njohur të botës së televizionit.
Lëreni gjakun të qarkullojë si duhet:
Të ndihmoni gjakun në fytyrën tuaj të qarkullojë sa më mirë do shërbejë që ajo të duket e freskët dhe plot jetë. Ka produkte për kujdesin ndaj fytyrës që ua lejojnë këtë gjë.
Efekti i syve të mëdhenj:
Pasi kemi hequr të kuqen nga pagjumësia dhe kemi bërë gjakun të qarkullojë për një fytyrë që shkëlqen, tani duhet të kujdesemi për make up-in e syve. Duke i bërë ata të duken të mëdhenj me anë të lyerjes me penel dhe rimel, do të dukeni sikur jeni zgjuar në 11 të paradites!
Lyeni buzët me ngjyra të ndezura:
Një nga truket më të vjetra që njihet në të gjithë botën është pikërisht ky. Nqs buzëkuqi ju ikën pas disa orësh, zgjidhja është që të përdorni një zbutës herë pas herë./Living
