Ish-profesori i Medresesë, Emin Behrami, ka parashtruar një kallëzim penal kundër Bashkësisë Islame të Kosovës me arsyetimin se ky institucion ka bërë tradhti ndaj sovranitetit dhe integritetit territorial të shtetit të Kosovës.
Behrami këtë kallëzim penal e ka arsyetuar duke thënë se Kushtetuta e BIK-ut, e cenon territorin e Kosovës ngase në nenin 1.4. të Kushtetutës së BIK-ut thuhet se “Rajoni i Mitrovicës e përbëjnë Këshilli i Bashkësisë Islame i Mitrovicës, i Vushtrrisë dhe i Skenderajt”.
E këtë veprim profesori i Kuranit e ka cilësuar si skandaloz.
Prandaj ai ka kërkuar nga Departamenti i Krimeve të Rënda të Prokurorisë Themelore e Prishtinës të ndjek penalisht: Myftiun e Kosovës, Naim Tërnava dhe bashkëpunëtorët e tij: Resul Rexhepi, Xhavit Qerimi dhe Fadil Hasanit, ngase sipas Behramit ata kanë shkëputur pjesën veriore nga tërësia territoriale e Kosovës.
