Bujqit ankohen për çmimin e ulët të grurit: Nuk mbulohen as harxhimet

Korrja e grurit është thuajse në gjysmë ndërsa çmimi blerës ende nuk është përcaktuar. Bujqit thonë se kjo korrje do të jetë dëshpëruese. Për çmimin e blerë të paralajmëruar nga mullisët që mund të sillet prej 9 deri 10 denarë për 1 kilogram, thonë se nuk do të mund t’i mbulojnë as harxhimet elementare. Javën e kaluar kanë pasur disa takime me ministrinë përkatëse dhe mullisët, por pa marrëveshje.

Baby Boo

Për këtë vit, sipas matematikës tonë si bujq, çmimi prodhues është rreth 12 denarë, çmimi prodhues vitin e kaluar i llogaritur nga Ministria e Bujqësisë ishte mesatarisht 10,30 kurse gruri shitej prej 9 deri 10 denarë, që ne nuk e mbulojmë çmimin prodhues -deklaroi Stevançe Jordanoski- federata e fermerëve.

Që të arrihet deri në rritjen e çmimit dhe plasimin e garantuar, bujqit kërkojnë që shteti të blejë rreth 40 mijë tonelata për rezervat e mallrave, edhe atë në fillim të verës. Por, nga Ministria e Bujqësisë shprehen se korrja zhvillohet sipas planit, pa u përgjigjur konkretisht nëse ka probleme në terren.
Gruri është mbjellë në sipërfaqe të përgjithshme prej rreth 78.000 hektarë dhe me gjendjen nga 12 korriku, janë korrur rreth 35% nga sipërfaqja e përgjithshme -njoftojnë nga Ministria e Bujqësisë.

Për nevojat e vendit në nivel vjetor nevojiten rreth 300 mijë tonelata grurë. Pjesën më të madhe Maqedonia e Veriut përmbush nga prodhimtaria vendore. Por, të dhënat e Federatës së fermerëve tregojnë se në 19 vitet e fundit, prodhimtaria e grurit është ulur për 20%. Sipas tyre, shkak për këtë është sistemi i pa- organizuar dhe çmimi i ulët blerës, që e zbeh interesin për prodhimtari.