Në fshatin Sellcë të Tetovës, nuk ka lokale të hapura. Kush dëshiron të pijë kafenë duhet të shkojë dikund tjetër. Bashkësia Vendore së bashku me pronarët e kafeterive dhe qytetarët tjerë unanimisht kanë vendosur që të kontribuojnë në parandalimin e infektimeve të reja me COVID-19, të paktën në vendbanimin e tyre.
Bashkëfshatarët me Bashkësinë Lokale sollën vendim që ta kemi nën kontroll këtë sëmundje dhe të ketë sa më pak infektime. Reagimi I pronarëve të lokaleve ka qenë pozitiv. Me vetëdëshirë I kanë mbyllur. Kemi një vendim që është nënshkruar nga të gjithë dhe lokalet do të mbyllen për 14 ditë’
Nga Bashkësia Lokale e Sellcës thonë se nuk duhet fshehur infektimet, pasi zbulimi i hershëm mund të shpëtojë jetë njerëzish.
Jo vetëm në Sellcë, infektime ka në të gjitha fshatrat. Por fatkeqësisht disa fshatra I fshehin këto gjër. Kjo është sëmundje, nuk duhet të fshehet”
Qytetarët kanë mirëpritur këtë vendim dhe këtë masë. Thonë se kjo është ndër masat që mund të ndikojë në mbrojtjen e popullatës nga infektimet.
“Arsyeja është për shkakun e sigurisë së fshatit nga COVID-19 që është kudo në botë. Të jemi më të sigurtë në fshat, ta ruajmë shëndetin”
“E respektojmë popullin, shqiptarët, I respektojmë masat”
Një tjetër thotë se situata ditëve të fundit është rënduar jo vetëm në fshatin e tyre por gjithandej rajonit të Tetovës.
“Vdekje ka. Sot kemi xhenaze, dje pardje patëm xhenaze, rend katër ditë. Cka është, vetëm Zoti e di”
Jo vetëm Sellca, por disa vendbanime të Rajonit të Tetovës, tashmë kanë marrë vendime për t`i mbyllur lokalet. E gjithë kjo vjen si pasojë e rritjes së lartë të infektimeve me COVID-19 që rajonin e Tetovës e ka vendosur në krye të listës në nivel vendi.
