Pasi që seanca e Komisionit për politikë të jashtme sot u anulua për të katërtën herë, kryetari i Kuvendit Talat Xhaferi, në përputhje me kompetencat e tij,thirri që komisioni të mblidhet në ora 11:30.
Xhaferi për këtë vendim i referohet nenit 120 të Rregullores për Punë të Kuvendit, i cila përcakton që në rast se kryetari i trupit punues nuk thërret seancë kur është i obliguar ta bëjë, seancën e thërret Kryetari i Kuvendit.