VMRO-DPMNE-ja me qëndrim sa i përket idesë së Ahmetit për postin e kryeministrit. Nga kjo parti pohojnë se tanimë është sjellë vendim që kandidat për mandatar nga kjo parti të jetë Hristijan Mickoski. Sipas VMRO-DPMNE-së, është e qartë se në këto zgjedhje kandidat për mandatar do të ketë edhe nga radhët e LSDM-së edhe nga BDI, por fjalën e fundit e kanë qytetarët përmes votës së tyre në zgjedhje.
Megjithatë nga partia e Mickoskit vlerësojnë se për momentin më e rëndësishme është që opinioni të fokusohet në problemin më të madh, numri rekord i të infektuarve nga Kovid-19. Prioritet më i madh është dhe mbetet shëndeti i qytetarëve.
