Vazhdon të rritet numri i të infektuarve me koronavirus, autoritetet apelojnë të respektohen masat

Ka vazhduar rritja e rasteve të reja të KOVID-19. Gjatë ditës së djeshme, janë regjistruar 62 raste të reja, por edhe dy viktima. Pas lehtësimit të masave, shfuqizimit të orës policore dhe hapjes graduale të ekonomisë, autoritetet u bëjnë thirrje qytetarëve që t’u përmbahen masave mbrojtëse siç janë mbajtja në distancë prej dy metrash, mbajtja e mbulesës mbrojtëse në gojë dhe hundë dhe mos grupimi. Pa i zbatuar këto masa, thonë autoritetet, virusi do të vazhdojë të përhapet edhe më tej.

Baby Boo

Ata njoftuan se nëse nuk respektohen masat e mbrojtjes, masat kufizuese mund të rivendosen për disa komuna dhe zona.

Masat kufizuese për disa zona do të varen më së shumti nga qytetarët, nga respektimi i masave, ka thënë kryeministri Oliver Spasovski. Ai ka ftuar qytetarët që në mënyrë të vazhdueshme të respektojnë masat.