Tensione tek Teatri Kombëtar në Tiranë, artistët përplasen me policinë


Ballina Aktuale
AktualeShqipëri
Tensione tek Teatri Kombëtar në Tiranë, artistët përplasen me policinë (LIVE)
24/07/20190

Sërish tension përpara Teatrit Kombëtar. Kësaj herë artistë dhe qytetarë më të shumtë në numër po konfrontohen fizikisht me policinë. Në mbështetje të artistëve kanë shkuar edhe deputetë të Partisë Demokratike.

Një person, në mesin e protestuesve është lënduar në fytyrë. Ai është parë i gjakosur në protestë, teksa konfrontohej me policinë.

Forcat e policisë nuk lejojnë artistët të hyjnë brenda Teatrit, ndërsa këta te fundit pretendojnë se brenda tij janë lejuar persona të pautorizuar, që mund t’i vënë edhe flakën.

I tronditur dhe gati me lot në sy regjisori Edmond Budina tregon si është tërhequr zvarrë nga policia, ndërsa ai së bashku me 4 persona të tjerë po qëndronin tek hyrja e Teatrit Kombëtar si rezistencë për të ndalur shembjen e tij.

“Sot është një ditë e trishtë. S’më ka ndodhur as në kohën e Ramiz Alisë. Policia atëherë nuk më ma tërhequr zvarrë. Ajo që ka ndodhur në vendin tim është një nga gjërat më të turpshme. Nuk po mbrojmë shtëpitë tona, por shtëpine shqiptarëve. Nuk themi që teatri të mos ndërtohet por teatri i ri të ndërtohet diku tjetër.

Budina ka dhe një thirrje për kryeministrin Rama.

“Ne ishim 5 vetë dhe nuk po bënim asgjë dhe po rrinim tek dera. Është një nga ditët më të dhimbshme. I bëj thirrje kryeministrit. Më ke zënë përkrahu dhe më ke tërhequr zvarrë. I bëj thirrje kryetarit të bashkisë dhe ministrit. Mos ta tentojnë të shkatërrojnë këtë pasuri. Kemi protestuar në mënyrë paqësore. Ky është fundi i demokracisë shqiptare. Ky është regjim fashist.”

Budina i bën thirrje qytetarëve të ngrihen për të mbrojtur Teatrin Kombëtar.

Baby Boo