Skandalet me listat e prokurorit Elez Blakaj nuk kanë fund. Edhe një nga figurat më të njohur të UÇK-së në Kosovë dhe Maqedoni, Sami Ukshini i njohur si Komandant Sokoli, sipas listave të Blakajt, është shpallur në listën e “veteranëve mashtrues”.
Ky skandal ka shkaktuar revoltë si te familjarët, poashtu edhe te bashkëluftëtarët e Komandant Sokolit, kurse rrjetet sociale janë mbushur përplot me fotografi të Sami Ukshinit gjatë kohës sa ka qenë në UÇK.
“Sipas listave të cilat u publikun, te gjoja lista e mashtruesve të veteranëve qenka edhe Sami Ukshini Komandant Sokoli. Edhe shumë luftëtarë të vërtetë i kishte futur në atë listë si mashtrues. Turpi qoftë mbi atë “prokuror”, mashtruesi më i madhi qenka vetë Blakaj”, ka reaguar Xhafer Ukshini, vëllai i Sami Ukshinit-Sokolit.
Sokoli ishte pjesë e Grupit të Kumanovës dhe për momentin gjendet në burgjet maqedonase.
