Siarto: Asnjë vend i BE-së nuk e ka ngritur çështjen e azilit të Gruevskit


Ministri i Punëve të Jashtme i Hungarisë Peter Siartio, pas mbledhjes së djeshme të ministrave të BE-së, tha se asnjë koleg i tij nuk e ka ngritur çështjen e azilit të Nikolla Gruevskit.

Siarto tha se ish-kryeministri i Maaqedonisë Nikolla Gruevski me dëshirë ka dorëzuar kërkesë për azil politik në Hungari, por autoritetet hungareze sipas tij, nuk kanë pasur asnjë rol në kërkesën e tij.

Ai tha se autoritetet hungareze për herë të parë për rastin e kanë marrë vesh nga një vend fqinj i Maqedonisë dhe se Gruevski në Hungari ka shkuar me dokumentacionet e nevojshme për qëndrim, si dhe gjitha kufijtë i ka kaluar në mënyrë të rregullt.

Pritet që Siarto të mbajë takim me ministrin e Punëve të Jashtme të Maqedonisë Nikolla Dimitrov, në fillim të muajit dhjetor në kuadër të Samitit të NATO-s në Bruksel.

Baby Boo