Lajmi që Cristiano Ronaldo ka transformuar dy hotelet e tij në spitale për të prekurit nga koronavirusi, nuk po del të jetë i vërtetë.
Ishte gazeta e njiohur spanjolle, ‘Marca’, që sot gjatë ditës publikoi lajmin se ylli portugez ka marrë vendimin që dy hotelet e tij në Portugali të shëndrrohen në spitale për të prekurit nga koronavirusi.
Madje, gazeta spanjolle shkroi se Cristiano Ronaldo do të paguajë edhe mjekët e stafin që do të përkujdesen për pacientët e mundshëm në dy hotelet e tij.
Mirëpo, pavarësisht se pesë herë fituesi i ‘Topit të Artë’ e ka dëshmuar shpeshherë se është një njeri i madh edhe jashtë fushave të futbollit, lajmi i publikuar nga ‘Marca’ po del të jetë i pavërtetë.
Gazetari i njohur, Kristof Terreur, ka publikuar një status në ‘Twitter’ ku ka shkruar se ky lajm po cilësohet si ‘fake’ në Portugali, teksa gazeta spanjolle ‘Marca’ e ka fshirë tashmë lajmin nga faqja e tyre.
Reported as fake in Portugal, in the meantime deleted by Marca (who made it a viral story). https://t.co/Iq7QAkDImD
— Kristof Terreur ?? (@HLNinEngeland) March 15, 2020
