Më 61 vota pro ka kaluar rezoluta për mbrojtjen e vlerave të luftës së UÇK’së, por të njëjtën nuk e votuan deputetët e VV’së dhe ata të Listes Serbe, shkruan Gazeta Metro.
Të gjitha grupet parlamentare votuan pro dhe shprehën vullnetin për votimin e kësaj resolute, me përjashtim të VV’së dhe Listës Serbe.
Nga shefi i grupit parlamentar të VV’së, Rexhep Selimi i cili po ashtu luftoi për UÇK’në, tha se nuk ka urgjencë për të votuar një gjë të tillë.
Madje ai ka shtuar se nuk ka koordinim me grupet e tjera parlamentare.
Kjo rezolutë i mori 61 vota pro nga të zgjedhurit e popullit dhe ia doli të kalojë.
Teksti i plotë i Rezolutës:
Duke besuar në vlerat më sublime të popullit të Kosovës;
Të bindur se lufta e Ushtrisë Çlirimtare të Kosovës ishte e drejtë;
Duke rikujtuar faktin se Kosova ishte viktima dhe Serbia agresori;
Duke pasur parasysh gjykimin ndaj viktimës dhe ndërprerjen e ndjekjes së krimeve të agresorit nga bashkësia ndërkombëtare;
Duke besuar në nevojën e domosdoshme për unitet politik e qytetar, në mbrojtje të vlerave më sublime të popullit të Kosovës, luftës së drejtë të UÇK-së;
Duke pasur për bazë faktin se UÇK përbën vlerën më të lartë të popullit të Kosovës për liri, pavarësi dhe shtet-ndërtim;
Duke pasur parasysh se akuzat ndaj UÇK nuk janë vetëm kundër individëve, por janë përballje e Kosovës dhe e qytetarëve të saj me Serbinë;
