Qytetarët e Maqedonisë pre e mashtrimeve online për lojëra shpërblyese !

Drejtoria për mbrojtjen e të dhënave personale njofton se vërehet aktivitet i rritur në organizimin e lojërave të rreme shpërblyese nëpërmjet rrjeteve sociale (Facebook, Instagram…).

Baby Boo

Nga kjo drejtori thonë se qytetarëve ju premtohet lloje të ndryshme të dhuratave ndërsa për këmbim nga to kërkohet të zbulojnë të dhënat personale siç janë emri dhe mbiemri, adresa dhe fotografitë, si dhe kopje nga dokumentet personale.

Drejtoria i këshillon qytetarët të jenë të vëmendshëm gjatë zbulimit të të dhënave zyrtare në internet, për shkak se ekziston rreziku për t’u keqpërdorur për qëllime tjera ilegale.

“Ju bëjmë apel qytetarëve të jenë të vëmendshëm dhe të mos publikojnë të dhënat personale përmes internetit të panjohurve apo personave të tjerë pa kontrolluar nëse njoftimi i shpallur për lojë shpërblyese është e saktë. Në këtë kontekst theksojmë se në raste të këtilla më së shumti përdoren teknikat kompjuteristike bazuar në rindërtim social siç janë ‘phishing’ dhe ‘pharming’”, thonë nga kjo drejtori

Ata shtojnë se për fat të keq numri i përdoruesve që nuk janë njoftuar me këtë lloj të mashtrimeve duke ju bërë apel qytetarëve të kontrollojnë nëse janë të vërteta këto dhe të jenë të vëmendshëm gjatë publikimit të të dhënave.