Policia zbuloi plaçkitësit e dy japonezëve në Maqedoni

Policia ka arritur të zbulojë plaçkitësit e dy shtetasve japonez, të cilët kanë qenë duke shëtitur në rrugën lokale Katllanovë-Breznicë.

Baby Boo Tinex

Bëhet fjalë për tre të mitur nga Velesi, të moshës 15 deri 17 vjeçare, dy nga të cilët tashmë janë privuar nga liria. Të njëjtit persona, në Gostivar e kanë marr një veturë “Ford Mondeo”, me regjistrim të Gostivarit, që e kanë përdorur më vonë për kryerjen e plaçkitjes.

Përndryshe, dy shtetasit japonezë u plaçkitën dy ditë më parë pasdite, deri sa me biçikleta lëviznin në rrugën lokale Katllanovë-Breznicë.

Sipas Sektorit për Punë të Brendshme (SPB) në Shkup, Sh.K (54) dhe H.K (48) u ndaluan nga një veturë “Ford”, nga ku kanë dalë tre persona të panjohur.

Ata i kanë sulmuar fizikisht japonezët, i kanë rrëzuar nga biçikleta, dhe ua kanë marrë 3000 euro, dokumentet e udhëtimit, kartelat kreditore dhe një telefon celular “Iphone”./Telegrafi

Restorant Lumare