Një tragjedi mund të ndodhte në hapësirën ajrore mes Irakut dhe Iranit. Bashkë-piloti dhe pilot i një fluturim të Airways irakian (i linjës ajrore kombëtare të Bagdadit), me 157 pasagjerë në bord, në fakt ishin përfshirë në një rrahje gjatë një fluturimi.
Avioni ishte ngritur nga Naxhafit dhe i drejtohej Mashadit, në verilindje të Iranit. I njëjti bashkëpilot, Ali Ahmed Saleh, e ka denoncuar, duke e detyruar kompaninë të lëshojë një deklaratë zyrtare.
Arsyeja për mosmarrëveshjen? Një drekë e mohuar.
Saleh i shkroi një letër eprorëve të tij për t’u komunikuar incidentin që ka ndodhur në ajër, në bordin e Boeing 737 më 23 korrik, por mesazhi është bërë hit në rrjetet sociale, duke u përhapur me shpejtësi në Lindjen e Mesme.
Bashkë-piloti shkroi se “një orë pas ngritjes së fluturimit Y1ASU, kapiteni Raad Mohammed Yaqub i ka marrë stjuardesës tabakan e drekës sime, me pretekstin se nënshkruesi nuk kishte kërkuar leje”.
“Fjalët ofenduese nga komandanti – letra vazhdon – bën që të lindte një mosmarrëveshje”.
“Atëherë ne të dy ngritëm zërin, derisa kapiteni filloi të më godiste me grushta dhe shkelma, duke detyruar personelin e sigurisë në bord për të ndërhyrë për të qetësuar gjendjen” .
Ndërhyrja e personelit ktheu rendin në kabinën, e cila u dëmtua dhe fluturimi arriti në destinacionin e tij në kohë. Rasti, megjithatë shtyu kompaninë irakiane të publikojë një shënim, duke njoftuar se dy pilotët do të ndëshkohen rëndë, ndoshta edhe me revokimin e licencës së fluturimit. Ministria e Transportit të Irakut gjithashtu po ndërhyn për këtë çështje, duke njoftuar një hetim.
