Perla turistike e Jordanisë: Deti i Vdekur, pika më e ulët në planet

Deti i Vdekur, me kripë mes Izraelit, Palestinës (Bregun Perëndimor të pushtuar) dhe Jordanisë, është një nga atraksionet më të vizituara në Lindjen e Mesme. Dega e tij është lumi Jordan dhe shtrihet në pikën më të ulët të planetit, 442 metra nën nivelin detar botëror.

Baby Boo

Deti i Vdekur ndodhet 50 kilometra nga Amani, kryeqyteti i Jordanisë dhe është i ndarë në dy pellgje të mëdha, të ndara nga një urë tokësore. Thellësia më e madhe e Detit të Vdekur është rreth 300 metra. Pjesa veriore ka thellësinë më të madhe dhe pjesa jugore është e cekët dhe arrin deri në 5 metra.

Për mijëra vjet, Deti i Vdekur ka tërhequr vizitorë nga e gjithë bota, pasi uji i kripur dhe balta në brigje përmbajnë shumë minerale, si magnez, squfur, kalium dhe brom, të cilat konsiderohen të dobishme nga ana mjekësore, veçanërisht për sëmundjet e lëkurës.

Përveç kësaj, sasia e lartë e kripës në ujin e liqenit favorizon objektet lundruese. Falë kësaj cilësie unike, vizitorët mund të qëndrojnë në sipërfaqen e ujit pa asnjë përpjekje. Në brigjet e Detit të Vdekur në kufirin jordanez funksionojnë objekte të shumta turistike, të cilat u mundësojnë mysafirëve hyrjen e papenguar në ujë./Anadolu Agency/