Elektro-inxhinieri Pançe Pecanoski nga Shkupi investoi në katër gjëra në shtëpinë e tij dhe nga ajo kohë paguan më pak fatura për rrymë, dhe përvojën e tij e ndanë me me lexuesit.
Si fillim, Pançe bëri ndërrimin e poçave elektrik të vjetër, me sistemin e ri të poçave LED. Pra, poçin e vjetër prej 100 wat, e zëvendësoi me poçin LED prej 10 wat, që ka një çmim prej 100 denarësh, por ka mesatarisht dy vite jetëgjatësi.
Këto poçe janë më ekonomik edhe nga dritat kursyese fluoreshente.
Ndryshimi i dytë që elektro-inxhinieri e bëri është instalimi i sistemit solar për ngroje të ujit për pastrim. Ai bëri një instalim të jashtëm të sistemit me vakum tuba dhe ngrohës uji prej 200 litrave.
Për këtë sistem nuk ka nevojë për rrymë plotësuese elektrike, pasi që nuk ka pompë, pra uji shkëmbehet lirshëm. Çmimi i tij arrin deri 400 euro.
Ka edhe sisteme më të shtrenjta, por ky është më i arsyeshëm. Praktikisht, sistemi përdoret gjatë tërë vitit. Në dimër është aktiv në periudhat me diell dhe ngrohja e ujit arrin deri 45°C. Gjatë periudhës shkurt-nëntor, temperatura e ujit arri nga 75°C e deri në 95°C.
Sistemi në fjalë kursen deri 80 kilowat rrymë, respektivisht 400 deri 1000 denarë në muaj.
Klimatizuesi elektrik është ndryshimi i tretë që elektro-inxhinieri Pançe e ka zbatuar në shtëpinë e tij. Nëse këto aparatura harxhojnë deri një kilowat rrymë elektrike, dhurojnë katër kilowat ngrohtësi.
Investimi më i shtrenjtë, por afatgjatë, që ndikon në kursime për ngrohje gjatë dimrit, dhe freski gjatë verës, është izolimi i amvisërive me polisterol.
Për në Maqedoni, izolimi i propozuar është përdorimi i polisterolit të trashësisë tetë centimetër. Një metër katror kushton reth 18 euro, dhe nëse në shtëpi keni tetë radiatorë për ngrohje, atëherë, pas izolimit të shtëpisë, do të përdorni vetëm pesë.
Pançe Pecanoski thotë se aparaturat elektrike të klasës A, A+, A++ janë më pak harxhues të rrymës elektrike./Telegrafi/
