Në Spitalin Rajonal të Ferizajt aktualisht shërben vetëm një infektolog dhe së fundit pas testit të bërë edhe ai rezultoi pozitiv me Covid-19.
Burime të Metros brenda spitalit mësojnë se infektologu i vetëm i Spitalit të Përgjithëm në Ferizaj K.H (emër i njohur për redaksinë) ka rezultuar pozitiv me koronavirus.
Ferizaj gjatë ditës së djeshme ka shënuar 55 raste të reja me koronavirus duke e çuar numrin e rasteve aktive në 177. Gjithashtu është mësuar se 25 nga këto raste janë në Spitalin e Përgjithshëm në këtë qytet. Ata janë 8 mjekë specialistë 13 infermierë dhe 4 zyrtarë të tjerë.
Kujtojmë që 7 drejtorë dhe tre zyrtarë tjerë politikë të Komunës së Ferizajt kanë rezultuar pozitiv me Covid-19 ditë më parë.
Në Ferizaj aktualisht janë duke u trajtuar 13 pacientë, nga ta 11 me oksigjenoterapi.
