fbpx

Mësuesi nga Dukagjini: Kam 5 ditë i bllokuar nga dëbora dhe jam pa ushqim… ju lutem më ndihmoni

Leka është i vetëm në një banesë në Bushalë, pa ushqim dhe pa energji elektrike. Në një lidhje telefonike me redaksinë e Report Tv, Leka thotë se ndodhet pa ushqim dhe pa energji elektrike.

“Ka rënë 1 metër borë, po pres të shoh çdo bëhet. Jam në një banesë i vetëm në Bushalë. Jam i sëmurë nga mushkëritë dhe nuk eci dot. Ushqimin unë e marr për 5 ditë por sot është e shtunë. Të iki deri tek lumi bëj 6 orë me këtë borë me këmbë. Kërkoj që kur të kalojë helikopteri të marrë mësuesit e tjerë tek Bregu i Lumit, të vijë të më marrë edhe mua. Jam në mëshirë të fatit, kërkoj ndihmë. ”-ka thënë Leka.

Dy ditë më parë, Report Tv u lidh drejtpërdrejt me Kol Vladaj, një nga 8 mësuesit e bllokuar në Dukagjin. Vladaj tha se shkolla rrezikon të shembet dhe situata mund të përkeqësohet. Ende mësuesit e bllokuar ndodhen tashmë në zonën e Bregut të Lumit duke pritur që të ketë një ndërhyrje me helikopter që ata të transportohen drejt Shkodrës

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.