Mediat greke kanë raportuar se për momentin, Qeveria në Shkup po mbanë mbledhje pas dyerve të mbyllura, në të cilën po shqyrtohet çështja e emrit, shkruan Fakte. Nga Qeveria heshtje në lidhje me këtë informacion.
Më herët sot, zëdhënësi i Qeverisë, Mile Boshnjakovski, ka deklaruar se nuk komentojnë informacionet e disa mediumeve serbe se gjoja bisedimet mes Maqedonisë dhe Greqisë kanë dështuar, pasi Greqia kishte vënë kusht që fjala “Maqedoni” tërësisht të hiqej nga emri i ri i vendit. “Ne jemi të përcaktuar për gjetje të zgjidhjes dhe po punojmë në këtë drejtim” ka thënë Boshnjakovski
