Si duket vazhdojnë përçarjet brenda trupit parlamentar për pajtim dhe integrim. Pas anulimit të mbledhjes së caktuar për të premten e kaluar, trupi nuk do të mblidhet as sot.
Burime brenda anëtarëve për Alsat bëjnë të ditur se përçarjet vazhdojnë dhe se trupi nuk do të thirret pa u kaluar dallimet.
Acarimet mes anëtarëve u shfaqën pas arrestimit të ish shefit të DSK-së, Sasho Mijallkov.
Jo zyrtarisht, mbledhja do të thirret më 28 nëntor, datë kjo kur OBRM-PDUKM-ja ka paralajmëruar protesta para Kuvendit në vigjilje të një vjetorit të arrestimeve të deputetëve, funksionarëve dhe anëtarëve të saj, të dyshuar për ngjarjet e përgjakshme në Kuvend.
