Ligji i barnave merr dritë jeshile në Kuvend

Në komisionin për shëndetësi deputetët i dhanë dritë jeshile ndryshimeve në ligjin e barnave dhe pajisje mjekësore. Por deputetët e opozitës kanë dyshime për manipulimet e mundshme dhe favorizimet për kompanitë të cilat importojnë ilaçe.

“Kjo mënyrë e sigurimit të certifikatave më duket se do të jetë shumë e rëndë dhe do të favorizojë kompani të caktuara të cilat importojnë ilaçe ndërsa tjera do të eliminojë. Kjo procedurë na çon në krijimin e monopoleve në Maqedoni. A do të munden importuesit në Maqedoni të sigurojnë certifikata të tilla sepse ato nuk janë për përdorim masiv. Certifikate nga prodhuesi edhe nga laboratori ku shqyrtohet kualiteti i ilaçit?”, tha Vesna Penova, VMRO DPMNE.

Baby Boo Tinex

Ministri i Shëndetësisë Filipçe tha se ligji garanton transparencë në ndarjen e certifikatave. Nga Agjencia e ilaçeve garantuan për furnizim me ilaçe kualitative.

“Ai dokument nuk është e drejtë e klasifikuar, ai dokument i bashkëngjitet serisë së ilaçit. Prodhuesi është i detyruar ta jep atë. Kjo është njëra, dhe tjetri aspekt është se të gjithë kompanitë e mëdha importojnë ilaçe edhe përmes importit të rregult dhe atij paralel. Përse për importin e rregult të kenë çertifikata, dhe për paralelin jo. Kjo hap dyshim, jo ndryshimet në këtë ligj. Me këtë, kriteret bëhen më të rrepta”, deklaroi ministri i Shëndetësisë Venko Filipçe.

“Përqindje e madhe e ilaçeve nga importi paralel sillen nga shtete me të cilat ne nuk kemi rregullatorë të harmonizuar dhe përmes këtyre ndryshimeve, certifikatave të cilat merren jepen drejtpërdrejtë origjinal të prodhuesit, ne në njëfarë mënyre do ta garantojmë shumë kualitetin e ilaçeve”, deklaroi Robert Bekirovski, Drejtor i Agjencisë së Barnave dhe Mjeteve mjekësore.

Përmes ndryshimeve ligjore parashihet që ilaçet të cilat do të sillen përmes importit paralel, detyrimisht do të duhet të kenë dy certifikata, njëra nga prodhuesi dhe tjetra nga laboratori vendor që prodhon ilaçin apo nga laboratori i akredituar vendor, si garanci për kualitetin e barërave.

 

Restorant Lumare