Labinot Tahiri dhe Sinan Hoxha janë ndër artistët e parë që hapur vazhdimisht kanë folur për jetën e vështirë dhe fëmijërinë e varfër që kishin.
Të ftuar në spektkalin “Shiko kush luan” ata edhe njëherë nuk ngurruan të flasin për këtë temë, shkruan GazetaExpress.
Ndryshe nga herat e tjera, kësaj radhe Luana në emisionin e saj kishte të ftuar tetë fëmijë të prekur nga tërmeti.
Krahas këtyre fëmijëve pjesë e spektaklit ishin edhe fytyra të njohura publike që njihen për ndihmat e vazhdueshme që bëjnë për nevojtarët.
Para fëmijëve Labi dhe Sinani folën për jetën e vështirë si fëmijë dhe punën e madhe që kishin bërë për të arritur këtu ku janë sot.
Këto rrëfime erdhën për të inkurajuar të vegjëlit për të vazhduar tutje dhe mos u dorëzuar deri në plotësimin e ëndrrave të tyre.