Kosovë/ 96 policë në kërkim të Besnik Osmanit, deri më tani asnjë gjurmë e tij

Besnik Osmani i lindur më 12.05.1978 në Preshevë me vendbanim në Prishtinë, që nga 24 marsi rezulton i zhdukur.

Baby Boo

Besnik Osmani ishte larguar nga shtëpia pasditen e 24 marsit ku ishte nisur drejt Preshevës, mirëpo nuk kishte arritur në destinacionin e tij.

Ndërkohë Policia e Kosovës, për këtë qëllim ka realizuar një plan kërkimi të tij i cili është paraqitur si ‘person i zhdukur’ më datë 24.03.2020.

“Sot, nga orët e mëngjesit 96 zyrtarë policorë të njësive të ndryshme policore, përfshirë Njësinë K9 (njësia me qen), kanë realizuar kërkimet në zonën e fshatit Muqibabë, në një teren malor dhe mjaftë të vështirë për kërkim. Operacioni i kërkimit ka vazhduar deri në orët e mbrëmjes. Policia nuk ka arritur të gjej gjurmë e shenja që do të qonin në zbardhjen, gjetjen e personit të zhdukur”, thuhet në njoftimin e Policisë..

Policia me këtë rast apelon tek të gjithë qytetaret që mund të kenë ndonjë informacion që do t’i ndihmonte të komunikojnë me ta.