Biznesmeni Orce Kamçev, i cili mbrëmë u arrestua si i arrestuar në rastin e ri të PPS “Perandoria”, është vendosur në një prej gjashtë dhomat e quajtura “të Hagës”, në burgun hetues “Shkup”, të cilat sipas kushteve konsiderohen si dhoma të privilegjuara, kupton jozyrtarisht “Fokus” nga burime mirë të informuara.
Sipas informatave, katër të arrestuarit e tjerë, Nenad Josifoviq, Todor Mirpçevski, Cvetan Pandeleski dhe Zorica Arsovska, janë vendosur në dhoma të tjera.
“Dhomat e Hagës” janë ndërtuar sipas standardeve evropiane, dhe prandaj kushtet në ato dhoma janë shumë më të mira se sa në dhomat e tjera.
Sipas ish të arrestuarve, në ato dhoma vendosen personat me probleme shëndetësore, ata që kanë lidhje dhe ata të cilëve u rrezikohet siguria personale sipas karakterit të veprës.
Dhoma është rreth 24m2 dhe aty vendosen dy persona, e më rrallë tre të arrestuar, dhe janë mjaft të përshtatshme kur dihet se në dhomat tjera, ku hapësira është më e vogël vendosen edhe më shumë persona.
Dhomat luksoze janë të rregulluara me banjo të rinovuar, dritare të mëdha, krevate dhe dyshekë të rinj si dhe sirtarë të vendosura siç duhet.