Policia e Kosovës dje ka arritur të gjejë në Gjakovë një 18 vjeçare të komunitetit ashkali, 10 ditë pasi ishte zhdukur.
Zëdhënësja e Policisë së Gjakovës, Lirije Podrimaj jep më shumë detaje.
Ajo ka treguar se 18 vjeçarja e zhdukur ishte përdhunuar nga xhaxhi i saj 56 vjeçar. Sipas Policisë viktima është person me të meta mendore.
“Me datë 12.02.2020, në ora 15:20, Policia në Gjakovë kanë arritur të gjejnë viktimën femër/ashkalike/kosovare, e moshës 18 vjeçare, e raportuar si e zhdukur me datë 02.02.2020. Viktima (person me të meta mendore), ka deklaruar se ka kryer marrdhënie seksuale me axhën e saj të moshës 56 vjeçar. Policia ka bërë arrestimin e personit të dyshuar dhe i njëjti me urdhër të prokurorit të shtetit mbahet në ndalim policor. Po ashtu viktima do të dërgohet në ekzaminim mjeksor me urdhëresë të prokurorit të çështjes”, ka thënë Podrimaj.
