Institucionet gjyqësore dhe udhëheqësit janë ose pa komente, ose të pakapshëm, pasi Specialja publikoi një raport “të veçantë” për katër gjykatës, të cilët sipas materialeve të pa-publikuara nga “bombat” ishin në mënyrë aktive në bashkëpunim me qeverinë e mëparshme. Nga Këshilli Gjyqësor, i cili në raportin e Speciales është përmendur se kishte bashkëpunuar me politikën, për shembull, në zgjedhjen e Gjykatëses Sofia Laliçiq, morëm vetëm një qëndrim personal nga kryetari:
Nuk kam koment. Për qëndrimin joprofesional të disa institucioneve nuk kam asnjë koment- tha Zoran Karaxhovski, Kryetar i Këshillit Gjyqësor.
Derisa nuk e analizon raportin e Speciales, edhe njeriu i parë i Gjykatës Penale në Shkup, Ivan Xholev, përmbahet nga komentet. Ne i kërkuam atij një mendim, sepse gjykatësja Laliçiq punon në këtë gjykatë, e cila në raportin e Speciales u akuzua për “ndërhyre dhe urgjenca të çfarëdo natyre”. Nuk morëm asnjë qëndrim edhe nga njeriu i parë i Gjykatës Supreme, Jovo Vangelovski, për të cilin Specialja, ndër të tjera, thotë se ai ka ” ndërhyrë të gjykatësit tjerë për raste dhe u ka sugjeruar për veprimin e mëtejmë”. Për vlerësimin e përmbajtjes së raportit, por edhe formën e tij, deri tani është i përmbajtur edhe kryetari i Shoqatës së Gjykatësve, i cili megjithatë e dha qëndrimin e tij personal.
Nuk e di kontekstin e raportit, as të dhënat, të theksuara në këtë moment. Mbetet të shohim se cilët janë hapat e ardhshëm lidhur me këtë raport, e më pas do të ishim prononcuar më konkretisht. Unë jam për gjyqësor të pavarur dhe gjykatës me integritet- tha Xhemali Saiti, kryetar i Shoqatës së Gjykatësve të RM-së.
Përveç instancave gjyqësore, pas raportit të djeshëm bombastik për gjykatësit, për informacione plotësuese nuk duan të flasin as në PSP. Atje pyetëm, por nuk morëm përgjigje për atë – nëse përveç akuzave publike ndaj gjykatësve me detaje nga “bombat” a zhvillohen kundër këtyre personave procedura përkatëse – si në prokurori ashtu edhe në Këshillin gjyqësor. Përveç Jovo Vangellovskit dhe Sofija Laliçiqit, dje PSP-ja publikoi detaje nga bombat për ndikimin politik në karrierën e edhe dy personave. Anëtarja e Këshillit Gjyqësor Aleksandra Zafirovska, akuzohet se i ka hapur gjerësisht dyert për ndikimet politike në gjyqësor. Svetllana Kostova, e cila u bë gjykatëse pas karrierës në policinë sekrete, thuhet se edhe si gjykatëse ka vazhduar aktivitetet në DSK.
