Një grua që po largohej nga Afganistani mes kaosit të vazhdueshëm në vend, ka lindur në avionin e evakuimit.
Komanda e Lëvizshmërisë Ajrore të SHBA-ve bëri një postim në Twitter për gruan, e cila lindi gjatë rrugës për në Bazën Ajrore Ramstein në Gjermani. Foshnja dhe nëna thuhet se janë në gjendje të mirë dhe ndodhen në një institucion mjekësor aty pranë.
Në një moment të udhëtimit, gruaja shtatzënë filloi të kishte komplikime. Piloti duhej të ulte avionin për të rritur presionin e ajrit në aeroplan, çka ndihmoi në stabilizimin dhe shpëtimin e jetës së nënës. Personeli mjekësor hipi në avion duke ndihmuar nënën gjatë lindjes.
Rreth 17,000 njerëz janë evakuar deri tani nga Kabuli prej ushtrisë amerikane. Aeroporti i Kabulit është në kaos, duke qenë se shumë njerëz po qëndrojnë aty prej ditësh, duke pritur një shans për të ikur nga vendi pasi talebanët morën kontrollin e qytetit. Nga ana tjetër, talebanët kanë fajësuar SHBA-të për kaosin në aeroport.
Medical support personnel from the 86th Medical Group help an Afghan mother and family off a U.S. Air Force C-17, call sign Reach 828, moments after she delivered a child aboard the aircraft upon landing at Ramstein Air Base, Germany, Aug. 21. (cont..) pic.twitter.com/wqR9dFlW1o
— Air Mobility Command (@AirMobilityCmd) August 21, 2021
