Në Gjykatën Penale në Shkup sot do të vazhdojë gjykimi për ngjarjet e 27 prillit të vitit të kaluar në Kuvendin e Maqedonisë.
Gjykimi ndodhet në fazën dëshmive, ndërsa në seancën e djeshme Prokuroria prezantoi dëshmitë materiale nga Kuvendi, si dhe video nga telefonët celular, të marra nga i akuzuari Oliver Poposki, përcjell Telegrafi Maqedoni.
Në seancat e mëhershme, janë parë video nga kamerat e sigurisë në Kuvend në të cilat është vërejtur se shefi i sigurimit të Trajko Veljanoskit ka komunikuar me protestuesit e dhunshëm.
Përndryshe, për këto ngjarje të akuzuar janë 33 persona, prej të cilëve 31 për veprën “rrezikim terrorist të rendit kushtetues” dhe 2 persona për veprën “nxitje”.
