Komunikacioni nëpër rrugët shtetërore po zhvillohet nëpër rrugë të lagështa me mbetje të borës në rrugë pas intervenimit të ekipeve kujdestare të NP Rrugët e Maqedonisë. Reshje të dobëta të borës ka në K.Pallankë, Stracin, Pavleshenci, Shtip, Saramzalino, Mavrovë dhe në Kodrën e Diellit e cila për momentin nuk po mbetet nëpër rrugë, kumton LAMM.
Intensiteti i komunikacionit në akset rrugore jashtë mjediseve urbane është mesatar. Në vendkalimet e tjera kufitare, në anën e Maqedonisë, nuk ka vonesa të mëdha për hyrje dhe dalje nga shteti.
Apelojnë për përshtatje të shpejtësisë sipas kushteve në rrugë.
