Drejtori i Fondit për inovacion dhe zhvillim teknologjik Festim Halili po qëndron për vizitë në Torino të Italisë me ftesë të Fondacionit Europian të Trajnimeve për të bashkërenduar aktivitetet në projektet e programit për shkencë dhe inovacion Horizon Europe.
Gjatë kësaj vizite ai ka realizuar takime të rëndësishme në dhomën ekonomike të Torinos në Itali si dhe ka marrë pjesë në panairin më të madh të teknologjisë së ushqimit “Terra Madre Salone del Gusto”.
Me ftesë të ETF (Fondacionit Europian të Trajnimeve) ndjekim agjendën e ngjeshur për të rrjetizuar kompanitë e vendit tonë me ato evropiane dhe për të bashkërenduar aktivitetet në projektet e programit për shkencë dhe inovacion Horizon Europe.
