FATI I PSP-Së: PUSHTETI DHE OPOZITA AFËR DHE LARG!


S’ka përparime në negociatat, ekzistojnë dallime të mëdha

Sa filluan të ecin punë në drejtim pozitiv për ligjin për Prokurorinë Publike mes pushteti dhe opozitës…

“Për dallim nga takimi i fundit, për këtë takim nuk mund të them se ishte produktiv.”-deklaroi deputeti i VMRO DPMNE-së Antonio Milloshoski.

“Realisht kemi dallime të mëdha me VMRO DPMNE-në” –shprehet Renata Deskoska, Ministre e Drejtësisë.

Opozita thotë se pushteti me asnjë kusht ta jep Villma Ruskoskën dhe ekipin e PPS-së. Deputeti, Antonio Milloshoski, tha se partia e tij propozon që në zgjedhjen e prokurorit që do ta udhëheq sektorin për krim të organizuar dhe korrupsion, të përfshihet edhe komisioni për Zgjedhje dhe emërim.

“Është e qartë se pushteti nuk dëshiron të heqë dorë nga Villma Ruskoska! Është e qartë se Villma Ruskoska është shumë e rëndësishme për ata, që tu shërbej jo si prokurore, por si avokat për shumë persona për të cilët në publik ekziston dyshim se janë pjesë e skandalit të madh “Zhvatja” –vlerësoi deputeti i VMRO DPMNE-së Antonio Milloshoski.

Ministra e Drejtësisë, Renata Deskoska, doli me arsyet e pushteti. Mandati i 27 prokurorëve tjerë republikan të zgjatë sa ai i kryeprokurorit ka kërkuar opozita, me çka nuk pajtohet pushteti. E papranueshme ka qenë edhe kërkesa që të shpërbëhet e gjithë struktura e Prokurorisë Speciale dhe e Prokurorisë për krim të organizuar, për shkak se punëtoret aktual kanë kontrata pune, dhe nuk mund të lihen në rrugë sipas pushtetit. Por dallime kryesore mbeten autorizimet e institucionit të ri rreth lëndëve të hapura nga PPS, si dhe autorizimet në përgjithësi.

“Insistojnë që mos të ketë përcaktim në ligj që e i jep përgjegjësi Prokurorisë së re që t’i ndjek lëndët që dalin nga materialet e përgjuara. Ka dallime edhe për autorizimet të Prokurorisë së re… Tek ata për shembull mungojnë autorizimet për raste që kanë të bëjnë me zgjedhjet dhe votimet, për keqpërdorimin e IPA fondeve, për keqpërdorim të furnizimeve publike, këto autorizime janë të fshira në propozimin e opozitës.”-përfundon ministrja e Drejtësisë, Renata Deskoska.

Edhe pse ky takim nuk ishte inkurajues, palët pritet të vazhdojnë me takimet, por pas pushimeve verore.

Baby Boo