Një tragjedi ka ndodhur sot në Gjermani ku për pasojë kanë mbetur të vdekur dy kosovarë. Dy të rinj kosovarë kanë humbur jetën sot tragjikisht në Gjermani. Ata u go*ditën nga treni nga ku nuk arritën t’u mbijetonin pla*gëve të marra. Rasti ka ndodhur afër Mynhenit në Gjermani në vendin e quajtur Bruckberg.
Dita e zakonshme që kishte nisur sot u shndërrua në zie për familjen Arifaj nga Ratishi i Epërm i Deçanit.
B.Arifaj dhe H.Arifaj u go*ditën sot për vdekje derisa po tentonin të kapnin trenin i cili ishte në stacion.
Sipas raportimeve nga mediat bavareze vik*timat ishin në nxitim për të kapur trenin i cili i dërgonte për në shkollë. Rreth orës 7.15 ata tentuan ta kapin trenin duke kapërcyer barrierat mes shinave të trenit nga ku më pas edhe u goditën nga një tren që ishte nisur për Mynih. Policia tani ka nisur intervistimin edhe të dëshmitarëve përfshirë studentët e tjerë që ishin të pranishëm aty. Si shkak i kësaj ngjarjeje tragjike stacioni i trenit do të qëndrojë i mbyllër deri në pasditen e vonë.
Sipas raportimeve të mediave gjermane drejtuesi i trenit deshi të fillonte një frenim emergjence por që ishte vonë.
Menjëherë pas këtij rati ministria e Punëve të Jashtme u vu në kontakt me ambasadën e Kosovës në Berlin dhe me Konsullatën në Bavari në tentim për t’u sqaruar se si erdhi deri tek kjo tragjedi. Për rastin reagoi edhe ministrja e Jashtme e Kosovës Meliza Haradinaj e cila u shprehu ngushëllime familjarëve të viktimave.