Nënkryetari i PDK-së, Rexhep Hoti ka dhënë një udi të radhës, teksa ka folur për shkëmbimin e territoreve në mes Kosovës dhe Serbisë. Hoti ka thënë se nuk mund të ketë shkëmbime territoresh në mes dy vendeve pa u futur ‘në lojë’ edhe Sanxhaku.
“Prandaj, mund të thuhet se tash nuk mund të flitet për korrigjim kufijsh. E para, pa hyrë në lojë edhe Sanxhaku”, ka thënë Hoti.
Ai ka shtuar se e di qëllimin e palës serbe, që sipas tij tenton që ta bëjë zementimin përfundimtar të korridorit shqiptar të Kosovës me Sanxhakun.
“Pavarësisht nga e vërteta dhe ana spekulative e shumë ideve dhe nismave të ndryshme mbi përmbylljen e normalizimit të marrëdhënieve ndërmjet Kosovës dhe Serbisë, propozimi i strategjisë serbe në krye me presidentin serb Aleksandër Vuçiq mbi ndarjen etnike synon:
Një, zementimin përfundimtar të korridorit shqiptar të Kosovës me Sanxhakun; Dy, zementimin e Saxhakut me B&H; Tre, sigurim i bashkimit të natyrshëm i Republikës Serbe në B&H me Serbinë”, thuhet tutje në shkrimin e Hotit.
