Një grua që tentoi të mbyste 2 vajzat e saj të mitura dhe dogji shtëpinë e bashkëjetuesit të saj ditën e hënë në Fier, është arrestuar.
Sipas policisë, në pranga ka përfunduar 42-vjeçarja Rudina Kishta, banuese në fshatin Grecalli të Fierit, pasi dyshohet se ka tentuar të vrasë 2 vajzat e saja të mitura binjake 6-vjeçare në ujërat e lumit Seman.
Kishta po ashtu akuzohet se ka djegur me zjarr banesën e bashkëjetuesit të saj Ardian Gjika në fshatin Grecalli.
Një ditë më parë, Gjika akuzoi publikisht bashkëjetuesen e tij për zjarrin në banesë.
“Bën vaki ka rënë në depresion dhe ja ka vënë zjarrin. 1 000 përqind, ia ka vënë edhe më përpara, i kam plaçkat aty unë”, tha Gjika.
Sipas burimeve policore, Kishta ka thënë se nuk e ka vënë ajo flakën edhe pse ka qenë e mërzitur me burrin.
Ajo kishte një janë që ishte kthyer në shtëpinë e Ardianit, me të cilin konfliktohej vazhdimisht pasi ky i fundit konsumonte alkool.
