Alvaro Morata pritet të largohet për herë të dytë nga Juventusi dhe e pret një tjetër rikthim në La Liga.Pasi ka veshur fanellat e Real Madridit dhe Atletico Madridit, sulmuesi spanjoll do të luaj edhe për një skuadër tjetër të madhe spanjolle si Barcelona.Kështu së paku ka raportuar e përditshmja spanjolle AS që e quan si fakt të kryer transferimin e qendërsulmuesit në Camp Nou.
Ka qenë trajneri i Barcelonës, Xavi Hernandez që e ka kontaktuar personalisht yllin e Juventusit për ta bindur t’iu bashkohet atyre gjatë afatit kalimtar të janarit.Gjithnjë sipas ‘AS’ 95 për qind e punës është kryer dhe kanë mbetur vetëm disa detaje që të kompletohet ky transferim.
Gjithsesi detaje financiare nuk janë zbuluar, por besohet se do të jetë një huazim i sulmuesit me Barcelonën që do ta ketë opsionin e blerjes.
Në anë tjetër Zonja e Vjetër synon që ta transferojnë njërin nga Mauro Icardi ose Scamacca të Sassuolos si zëvendësues të Moratas.
