Dialog, ndërsa jo konflikt krijojmë me Bullgarinë, qetësi dhe gatishmëri për bashkëpunim, në vend të nacionalizmit për përdorim vendor dhe izolime të reja, thotë kryeministri Zoran Zaev në intervistë për MIA-n në lidhje me hapat e mëtutjeshëm për zgjidhjen e kontestit me vendin fqinj.
Kryeministri Zaev thekson se komunikimi me Sofjen zyrtare vazhdon në drejtim të gjetjes së zgjidhjes dhe shton se as çështjet bilaterale nuk duhet të jenë pengesë për proceset evropiane, as zgjedhjet në Bullgari nuk duhet të jenë pengesë për zgjidhjen e dallimeve bilaterale.
Pret pas festave të Vitit të Ri përfaqësuesi ynë special Vllado Buçkovski, ministri i Punëve të Jashtme Bujar Osmani dhe ministrja e Punëve të Jashtme të Bullgarisë Ekaterina Zaharieva ta vazhdojnë komunikimin për gjetjen e zgjidhjes.
“Për atë, në momente të tilla, në sfidë, duhet të tregojmë vlera evropiane. Dialog, në vend të konfliktit. Qetësi dhe gatishmëri për bashkëpunim, në vend të nacionalizmit për përdorim vendor dhe izolime të reja. Sukses i përbashkët në vend të mossuksesit të ndarë. Edhe ne edhe pala bullgare kemi obligim për qytetarët e Maqedonisë dhe Bullgarisë të sigurojmë të ardhme evropiane, por me respektimin e vlerave evropiane”, thotë Zaev në intervistë për MIA-n.
