Një sherr i ashpër ka ndodhur në një rrugë të Majamit mes një Youtuber-i shqiptar dhe një influencuesi britanik. Të dy tashmë kishin një grindje përmes rrjeteve sociale dhe kur u takuan e kthyen rrugën në ring.
Bëhet fjalë për britanikun HSTikkyTokky deh shqiptarin Jon Zherka. Në fakt, kur ka shpërthyer sherri, një mik i tij ka qenë me britanikun.
HSTikkyTokky është një britanik 22-vjeçar, i njohur gjerësisht për videot e tij për jetën e tij të përditshme. Ai zakonisht shfaq programe fitnesi dhe ushqimi për audiencën e tij në TikTok, ndërsa transmeton gjithashtu përmbajtjen e tij në platformën Kick. Nga ana tjetër Zherka është një YouTuber dhe personalitet në internet shqiptaro-kanadez.
Me sa duket, HSTikkyTokky ishte në një restorant në Miami ku ndodhej Zherka dhe të dy fillimisht u grindën. Youtuber-i po e shtynte influencuesin dhe më pas u përplasën fizikisht jashtë dyqanit në trotuar.
Në fakt britaniku është ai që gjakosi kundërshtarin e tij. Përleshja e tyre ka qenë aq e fortë sa janë hedhur në rrugë para makinave dhe janë goditur me njëri-tjetrin.
Mirëpo, më pas disa persona kanë ndërhyrë dhe i kanë ndarë. Videoja e sherrit që po bën xhiron e internetit është regjistruar nga dikush që ndodhej aty. Shqiptari ka të veshur pantollona të shkurtra të verdha teksa përleshet me britanikun.
HSTikkyTokky and Zherka just got in a street fight in Miami 😳 pic.twitter.com/KFhGuwd08c
— Happy Punch (@HappyPunch) November 10, 2023
