Presidenti serb Aleksandër Vuçiq tha se është në interes të Serbisë të arrijë një marrëveshje ligjërisht të detyrueshme me shqiptarët dhe se për arritjen e saj duhet të ketë një konsensus të gjerë dhe nevojitet vullneti i shumicës së shoqërisë serbe.
“Është në interesin e Serbisë të arrijë një marrëveshje me shqiptarët, a do të bëhemi anëtare e BE-së apo jo, por, nëse ndodh kjo, jam i bindur se dera nuk do të jetë e mbyllur, por e hapur”, tha ai.
Vuçiq tha në një intervistë për “Vecernje Novosti” të mërkurën se do të dalë me propozimin e tij për një zgjidhje për çështjen Kosovë kur ai mendon se është mirë për vendin dhe kur është e mundur të arrihet një rezultat i caktuar.
Ai tha se shqiptarët duhet ta kuptojnë këtë, sepse ata nuk do të kenë të ardhme, nëse nuk ka marrëveshje, raporton “Beta”
“Dhe nëse u pyetën nëse do të pranonte një gjë të tillë, Serbia do të kishte vështirësi në dhënien e një përgjigjeje kaq pozitive”, tha ai, duke shtuar se fuqitë e mëdha perëndimore vazhdojnë të përkrahin faktin se çështja territoriale e Kosovës u zgjidh dhe tashmë ajo është e pavrur.