VMRO-DPMNE-ja opozitare edhe një herë sot me kumtesë ka përsëritur kërkesën për mbajtjen e zgjedhjeve të parakohshme parlamentare së bashku me ato presidenciale.
Ata kërkojnë një qeveri teknike 100 ditë para datës së zgjedhjeve si dhe zgjedhjen e kryetarit të Komisionit Shtetëror Zgjedhor me propozimin e opozitës.
Sipas VMRO-së, kjo do të krijojë kushte të barabarta për zgjedhje të ndershme.
“LSDM-ja nuk duhet të mbajë të gjithë shtetin në robëri për shkak të interesit të biznesit të disa zaevëve, apo familjeve të zyrtarëve në krye të qeverisë. Republika e Maqedonisë meriton më mirë, qytetarët meritojnë më mirë”, vlerëson VMRO-ja.
