Nëpërmjet një njoftimi të partisë maqedonase opozitare OBRM-PDUKM tuhet se ata gëzojnë besimin më të madh të qytetarëve.
“Sipas anketave, VMRO-DPMNE prin me 22.5% para LSDM-së me 17.9%. Besimi i qytetarëve te VMRO-DPMNE vazhdimisht rritet, ndërsa LSDM bie”, thonë nga kjo parti.
Ata shtojnë se edhe Mickoski gëzon mbështetjen më të madhe krahasuar me politikanët në Maqedoni.
“Kryetari Mickoski gëzon 17.7% të qytetarëve kundrejt Dimitar Kovaçevskit të cilin e mbështesin vetëm 5.5%. Kovaçevski i din anketat dhe për këtë shkak u ikën zgjedhjeve”, shprehen nga VMRO-DPMNE.
Sipas tyre, Kovaçevski nuk ka legjitimitet bashkë me partinë e tij dhe për këtë arsye duhet të ketë zgjedhje të parakohshme kuvendare.
