pecialisti i Urologjisë, Fahredin Veselaj, i cili u suspendua dje nga puna e tij në QKUK për gjashtë muaj, ka thënë se në datën 11 shtator kur nuk kishte respektuar orarin e punës, kishte kryer tri operime të rëndësishme.
Veselaj, përmes një shkrimi të publikuar në Facebook, ka thënë se dikujt po i pengon puna e tij në Qendrën Klinike Universitare të Kosovës.
Ai ka thënë se në po të njëjtën ditë, të martën e 11 shtatorit, ka shpëtuar jetën e një të riu që ishte plagosur me thikë.
Reagimi i plotë i Fahredin Veselajt, pa ndërhyrje:
Të nderuar Qytetarë të vendit!
Të nderuara media elektronike!
Të gjitha mediat elektronike sot po raportojnë për suspendimin e tim nga puna “për shkak të mos respektimit te orarit” me datën 11.09.2018.
Ende pa e marrur unë këtë vendim Zyra e Informimit të QKUK ua paska shpërndarë mediave elektronike.
Lajmi i Zi është lajm!
Per hirë të korektesisë ndaj pacienteve dhe të gjithë qytetareve po këtë ditë me 11.09.2018 ne Kliniken e Urologjise ne QKUK kam operuar 3 raste të renda dhe gjatë kujdestarisë kam shpëtuar jetën e një të riu të therur me thikë!
Kujt po i pengon puna e Urologëve në QKUK kur të gjitha rastet me sëmundje urologjike trajtohen në Klinikën e Urologjisë dhe nuk shpenzohen para nga taksapaguesit e vendit për trajtime të panevojshme jasht vendit?
A janë këto lajme në sherbim të ngritjes së nivelit të ofrimit të shëbimeve shëndetesore më të mira?
A duhet “shpërblyer” në këtë mënyrë specialistët që kryejn nga 4 e më shumë operime nga me të nderlikuarat dhe atë në kushte tejet të vështira la ta gjykojn qytetaret dhe njerzit e mendjës së shëndoshë?
“Toka sillet rreth Diellit” është e vërtetë!
Në fund ju them njerëz jemi dhe nuk mundemi me qenë perfekt por Unë jam shumë krenar për të gjitha ato operime që i kam kryer në kujdestarin e datës 11.09.2019 për të cilën datë më kanë suspenduar!
Pacientëve të mi shërim të shpejt!
Edhe nesër do të jem shumë krenar që do ta prezentoj vendin tim në Forumin e Adriatikut për Urologji si ligjërues i ftuar.
Në vazhdim u prezentoj me foto rastet si deshmi: Sinqerisht, Ass.dr. Fahredin Veselaj, PhD, urolog Sent from Yahoo Mail for iPhone.