Drama e vërtetë ndodhi në aeroportin Ben Gurion në Tel Aviv në momentin kur avioni i kancelarit gjerman Olaf Scholz ishte gati të ngrihej. Siç shihet edhe në videon nga rrjetet sociale, pak sekonda para nisjes kanë rënë sirenat e sulmit. Scholz ishte tashmë në aeroplan, por erdhi urdhri që të gjithë pasagjerët të dilnin prej tij dhe të shtriheshin në pistë.
#Raketenalarm in Tel Aviv. Die Regierungsmaschine wird umgehend evakuiert. @Bundeskanzler wird in einen Schutzraum gebracht. Wir legen uns vor dem Flugzeug auf den Boden. @robinalexander_ @frautoroxel pic.twitter.com/OTWV55KUoA
— Sara Sievert (@sara__si) October 17, 2023
Scholz u evakuua shpejt nga avioni dhe u dërgua me makinë në një strehë.
– Kancelari mundi të shihte dy shpërthime me sytë e tij – shkruan “Bild”.
Siç u njoftua, sistemi i mbrojtjes ajrore i Iron Dome i Izraelit rrëzoi raketat e Hamasit nga qielli.
“Bild” raporton se më pas është kontrolluar avioni i qeverisë gjermane për të përcaktuar nëse ka pasur ndonjë rrezik të mundshëm.
Pas inspektimit, Scholz dhe bashkëpunëtorët e tij u lejuan të hipnin në aeroplan dhe të fluturonin për në Kajro.
