Në industritë mediale në Maqedoni në vitin 2017 janë shënuar të ardhurat më të ulëta në pesë vitet e fundit. Prej vitit 2013 e këndej, shkalla e rritjes së të ardhurave tek mediat çdo vit ka qenë negative, ndërsa më e madhja është shënuar vitin e fundit për 10.35 për qind.
Sipas të dhënave të Agjencisë për Shërbime Mediatike Audio dhe Audiovizuale, në vitin 2017 gjitha tre segmentet e industrisë mediale kanë shënuar rritje negative të të ardhurave, përcjell Telegrafi Maqedoni.
“Radio-televizioni i Maqedonisë ka pasur të ardhura 152.34 milionë denarë, televizionet komerciale 118.87 milionë denarë dhe radio-stacionet komerciale 30.10 milionë denarë. Të ardhurat e përgjithshme që kanë shënuar mediat (RTVM-ja, 54 televizione komerciale dhe 70 radiostacione) kanë arritur 2.608.840.000 denarë”, thuhet në analizën e ASHMAA.
Sipas analizave të vitit 2017 pesë kanalet televizive që emetojnë programe përmes dixhitalit tokësor multipleks në nivel shtetëror (TV Sitel, TV Kanal5, TV Telma, TV AlsatM dhe TV Alfa) kanë realizuar të ardhura prej 1.071.890 denarë.
Ndërsa gjatë vitit të kaluar numri i radiodifuzerëve është ulur për gjashtë.
