Vazhdojnë kërkimet për 62 vjeçarin e humbur, familjarët kanë një lutje për të gjithë

Në Pejë është zhdukur një person. 62 vjeçari Idriz Muriqi që nga mëngjesi i 22 majit nuk është kthyer më në shtëpi.
Familjarët, banorët e fshatit dhe Policia e kanë kërkuar por deri më tani pa rezultat.

Baby Boo

Prandaj, familjarët kanë kërkuar ndihmën e FSK’së sepse po dyshojnë se ai ka rënë diku në ujë.

Në polici thonë se kërkimet janë duke vazhduar dhe se nëse nevojitet ndihma e FSK’së, diçka e tillë do të ndodhë, pasi ekziston komunikimi mes dy institucioneve.

Vëllai i tij Shefqet Muriqi tregon se si Idrizi u largua nga shtëpia.

“E kemi kërku gjithkah atë ditë. Në mbrëmje nuk është kthyer dhe e kemi lajmëruar në polici. Sot tetë ditë që nuk është kthyer në shtëpi. Nuk po mundemi me e gjet askund’, tha ai për Klan Kosovën.

Që nga atëher banorët e fshatit së bashku me policinë nisën kërkimet për profesorin e informatikës.

Por deri më tani pa rezultat.

E Shefqeti ka edhe dyshimet se çka mund t’i ketë ndodhur vëllait të tij.

“Ai është i sëmurë, edhe fizikisht është i sëmurë. Unë mendoj që ka mbetë diku ose është në ujë. Por për ujë s’po kemi ndihmë”, thotë ai.

Për këtë arsye i biri i të humburit ka një lutje për institucionet e sigurisë në vend.

‘Çdo ndihmë që mundet me e bo shteti i Kosovës ose institucionet tjera relevante ju lutem të na ndihmojnë”, theksoi ai.

Në polici thonë se vazhdojnë kërkimet.

Lexo më shumë në: http://www.gazetaexpress.com/lajme/vazhdojne-kerkimet-per-62-vjecarin-e-humbur-familjaret-kane-nje-lutje-per-te-gjith-542221/?utm_source=referral&utm_medium=web&utm_campaign=copyright

Restorant Lumare