Një borxh që autorët i kishin viktimës duket se i ka marrë jetën Elion (Klevis) Hysës, që u gjet i groposur një ditë më parë.
Këtë e ka pohuar Hysni Ramaj 31 vjeç, banues në Nikël, Krujë, njëri prej autorëve të arrestuarve për vrasjen e tij, bëjnë të ditur burime policore për DurrësLajm.
Ramaj ka bashkëpunuar me policinë, duke pranuar vrasjen e Hysës në bashkëpunim me shtetasin A.T., i cili është në kërkim.
“Hysa erdhi të na takonte dhe na kërkoi me ngulm borxhin. I kemi thënë që nuk kemi për momentin, por do t’i bëjmë dhe do t’i japim, nuk t’i mbajmë paratë ty. Hysa erdhi dhe na bëri presion, na tha se do iu vras po nuk më dhatë paratë. Në këto kushte e vramë ne para se të na vriste ai”, tha ai.
