Sot në “Ftesë në 5” me Bieta Sulon ishte e ftuar Linda Rei, e cila vendosi të dalë të sqarojë për herë të parë të vërtetën e lajmeve të bujshme të shtatzënisë.
Linda hyri në studio me kujdes, duke vijuar lojën se ishte në pritje të ëmbël e duke iu përgjigjur pyetjeve ngacmuese të Bietës.
Ajo tregoi se një shtatzëni e tillë kushton plot 200 mijë euor, ndërsa babain “e fëmijës” preferoi ta mbante anonim.
E për t’i dhënë njëherë e mirë fund të gjitha thashethemeve, Linda zbuloi barkun live. Pas veshjes së saj qendronte një jastëk.
“Shqiptarët nuk kuptojnë një shaka, sigurisht që nuk jam shtatzënë”, u shpreh ajo.
E pyetur nga Bieta nëse do ta donte diçka të tillë më vonë, Linda pranoi sinqerisht se për momentin nuk ndihej gati.
