Një zyrtar i lartë turk beson se trupi i Jamal Khashoggi u tret me acid pasi u copëtua.
“Ky është i vetmi përfundim logjik”, shtoi këshilltari presidencial, Yasin Aktay.
“Ata që vranë gazetarin saudit në Stamboll shkatërruan trupin e tij që të mos linin asnjë gjurmë prapa.”
Asnjë provë mjeko-ligjore nuk është siguruar për të provuar se trupi i Jamal është tretur.
“Arsyeja pse kanë copëtuar trupin e Khashoggi ishte që të shpërndanin eshtrat e tij më lehtë,”-tha Aktay për gazetën Hurriyet Daily.
“Dhe ne shohim se jo vetëm e copëtuan trupin por edhe e tretën.”
Pretendimet erdhën pasi e fejuara e Khashoggi, Hatice Cengiz, u bëri thirrje udhëheqësve botërorë të sillnin autorët para drejtësisë.