fbpx

Trotuaret e papastruara sfidë për banorët e Shkupit

24 të lënduar, 4 prej të cilëve në gjendje më të rëndë, janë paraqitur në Spitalin e Qytetit të Shkupit për trajtim, për shkak të rrëshqitjeve në rrugë. Trotuaret e pa pastruara janë sfidë për banorët e kryeqytetit. Ata u bëjnë apel organeve kompetente, në këtë rast komunave dhe Qytetit të Shkupit, që të pastrojnë akullin dhe të hedhin kripë e rërë që të evitojnë rrëshqitjet e mundshme. Ndërkohë heshtje në Qytetin e Shkupit. Askush nuk iu përgjigj telefonatës e as pyetjeve të Alsat në lidhje me gjendjen e rrugëve në kryeqytet, përfshi ato dytësore. Në gjendje edhe më të rëndë është Komuna e Tetovës. Rrugët dytësore janë të paprekura nga ndërmarrjet komunale, por as rrugët kryesore nuk janë të pastruara siç duhet. Mungesa e hedhjes së kripës ka bërë që akulli dhe bora të mos shkrihen edhe 4 ditë pasi të reshurat janë ndërprerë. Të revoltuar nga mos angazhimi i Komunës së Tetovës, në lagjet e Tetovës banorët janë organizuar së bashku për të pastruar rrugën. Ata kanë blerë edhe kripë që të shkrijnë shtresën e trashë të akullit.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.