Policia në Shtetet e Bashkuara të Amerikës ka qëlluar për vdekje aktoren e famshme Vanessa Marquez.
Ngjarja e rëndë ka ndodhur në Pasadena të Kalifornisë kur 49-vjeçarja zbriti nga makina me një pistoletë lodër në dorë, pas rreth 90 minutash debate me policinë.
Policia tha se një punonjëse e shëndetit mendor u mundua të negocionte dorëzimin e saj për 90 minuta por ajo ishte “jo bashkëpunuese”.
Aktorja Marquez ka qenë pjesë e serialit të famshëm ER, në rolin e infermieres Wendy Goldman.
Vitin e kaluar ajo akuzoi aktorin e famshëm George Clooney se e kishte futur në listën e zezë duke i hequr mundësinë për të luajtur role të tjera.
